Swami samarth

🌹🙏|| *श्री स्वामी समर्थ||* 🙏🌹

🐾|| *साधना मार्गातील विघ्नेक्षि* ||

👌ईश्वराने कृपा केली, देवदेवतांनी कृपा केली, सिद्धपुरुषांनी कृपा केली परंतु ज्याच्यावर मनाने कृपा केली नाही त्याची अधोगती टळत नाही.

मन करा रे प्रसन्न | सर्व सिद्धिंचे कारण ||

म्हणून साधनामार्गात प्रगती करु इच्छिणाऱ्या प्रत्येक साधकाने स्वतःच्या मनावर विजय मिळविण्यासाठी प्रयत्न करायला हवा. आता हे मन कशाप्रकारे मानवाची दिशाभूल करत असते, यावर थोडे लक्ष टाकू.

भ्रम...

प्रत्येक मनुष्य स्वतःला वेगवेगळ्या भ्रमांत अडकवून ठेवतो, किंबहुना त्याच्या प्रारब्धानुसार विविध प्रकारच्या भ्रमांची आवरणे त्याच्या बुद्धीवर पडलेली असतात. साधनमार्गामध्ये जसजशी प्रगती होत जाते, तसतशी भ्रमांची आवरणे दूर होतात; परंतु साधना करतांना अनेक वेळा असे होते की, काही शक्ती किंवा सिद्धी प्राप्त होतात, काही दिव्य अनुभव येतात, यामुळे साधक स्वतःला महान समजू लागतो व भ्रमाचे आणखी एक आवरण स्वतावर ओढवून घेतो. म्हणून कुठल्याही प्रकारच्या भ्रमात फसू नका. आपले मन आणि विचार यावर सतत नियंत्रण ठेवा. कल्पनाविलास बंद करा. कल्पना करणे बंद केल्यानंतरच खरा आध्यात्ममार्ग किंवा भ्रमरहित अवस्था प्राप्त होईल व त्याच वेळी आजपर्यंत आपण किती भ्रमात होतो याचे ज्ञान होईल. भ्रमाची व्याप्ती किती प्रचंड आहे. याची माहिती खाली दिलेल्या फरकांमधुन लक्षात येईल.
  || *आत्म्याची सत्य-ज्ञानमय अवस्था* ||

१) सर्व ब्रम्हांडात एका चैतन्याशिवाय अन्य कशाचेही अस्तित्व नाही.

२) शिवत्वाची जाणीव

३) सत्याचे ज्ञान होते व प्रत्येक घटनेमागील कार्यकारण भावाचे सम्यक ज्ञान होते.

४) निर्विचार व कल्पनारहित अस्तित्व.

५) तृप्त समाधानी, शांत, व आनंदी असतो.

६) दान व परोपकार करत नम्रतेने जगणे व ईश्वरभक्तीत तल्लीन होऊन राहणे.

७) अहंकाराचे व मनाचे अस्तित्व नसते. मन निर्विकल्प होऊन चैतन्यात विलीन झालेले असते.अंतर्ज्ञान
अंतर्दृष्टी असूनही सामान्यजनांमध्ये तो त्यांचातलाच एक होऊन राहतो, त्यामुळे त्याची महानता कोणालाही कळत नाही.

||आत्म्याची भ्रममय अवस्था....||

१) जगाचे अस्तित्व दिसून येते.

२) अहंकाराने मला वाटते तेच बरोबर, मी म्हणतो तेच खरे, मी कोणी तरी विशेष आहे. असे वाटत राहते.

३) घोर अज्ञानी माणसालाही आपण खुप ज्ञानी आहोत, असे वाटत राहते व आपल्या ज्ञानाच्या वल्गना तो सतत करत राहतो.

५) अशांत मन; हे हवे- ते हवे अशी वृत्ती व लोका सांगे ब्रम्हज्ञान स्वतः मात्र कोरडे पाषाण, अशी अवस्था होणे.

६) केवळ पोट भरण्यासाठी जगणे आध्यात्माच्या गप्पा मारणे. जगाला आध्यात्म सांगणे. दान व परोपकार न करता पशूसारखे जगणे लोकांना उपदेश करणे; पण त्याचे आचरण स्वतः न करणे.

७) अहंकाराने सारखा गुरगुरत असतो. मन विविध कल्पना करत असतो. मन विविध कल्पना करत असते व हा त्या कल्पनांनाच सत्य मानत असतो. याचा परमार्थ पण काल्पनिक असतो. सगळ्या लोकांनी याला मोठेपणा द्यावा, असे त्याला वाटत राहते. विकार व वासना यांचात गुरफटलेला असतो. परंतू आध्यात्माच्या गप्पा करतांना मात्र आपण खुप मोठे, असे जगाला भासवत राहतो.

या सर्व वर्णनांवरुन सर्वांना भ्रमाच्या व्याप्तीची कल्पना येईल व या भ्रमाला समूळ नष्ट करणे किती कठीण आहे याचा बोध होईल. या भ्रमावर विजय मिळविण्यासाठी निर्विचार अवस्था प्राप्त करणे आवश्यक आहे. मन जसेजसे निर्विचार होउ लागेल,  तसतशी भ्रमाची आवरणे दूर होउ लागतील.
🌹🙏    श्री स्वामी समर्थ   🙏🌹
||अवधुत चिंतन श्री गुरुदेव दत्त||